Categories: India

મુશર્રફ અને મનમોહને ઉકેલ્યો હતો કાશ્મીર વિવાદ ? 

નવી દિલ્હી : ભારત અને પાકિસ્તાનની વચ્ચે વધી રહેલા તણાવપુર્ણ સંબંધો વચ્ચે ભારતીય રાજદુતે એક મોટો ખુલાસો કર્યો છે. વર્ષ 2014માં પુર્વવડાપ્રધાન મનમોહન સિંહે એનડીએની સરકાર બન્યા બાદ વડાપ્રધાન નરેન્દ્ર મોદીને એક ફાઇલ આપી હતી. આ ફાઇલમાં કાશ્મીર મુદ્દાનાં ઉકેલ માટે પાકિસ્તાનનાં પુર્વ રાષ્ટ્રપતિ પરવેઝ મુશર્રફ અને મનમોહન સિંહ વચ્ચે તૈયાર થયેલા પ્લાનનાં દસ્તાવેજો હતા.

એક અંગ્રેજી સમાચાર પત્રનાં દાવા અનુસાર 27, મે 2014નાં રોજ એક મીટિંગદરમિયાન મનમોહન સિંહે વડાપ્રધાન મોદીને આ ફાઇલ સોંપી હતી. અધિકારીએ આ ખુલાસો એવા સમયે કર્યો છે જ્યારે પાકિસ્તાનનાં પુર્વ વિદેશ મંત્રી ખુર્શીદ કસુરીએ કાશ્મીર પર ભારત- પાકિસ્તાનની સિક્રેટ ડિપ્લોમસી પર પોતાનું પુસ્તક નાઇધર અ હોક નોર અ ડવની ભારતીય આવૃતિને રિલિઝ કરવા માટે દિલ્હી આવેલા છે. 

આ પુસ્તકમાં જણાવાયું છે કે જનરલ મુશર્રફ કાશ્મીરમાં ભારત- પાકિસ્તાનનું સંયુક્ત શાસન ઇચ્છતા હતા. સાથે સાથે કાશ્મીરમાંથી સેના હટાવવા અંગે પણ વિચારી રહ્યા હતા. આ વાતચીતમાં રહેલા ભારતીય અધિકારીએ જણાવ્યું કે સમજુતીનો ફાઇનલ ડ્રાફ્ટ કંસલ્ટિવ મેકનિઝ્મની વાત હતી. જમ્મુ કાશ્મીર સરકાર તથા પાકિસ્તાન અધિકૃત કાશ્મીર (પીઓકે)નાં પસંદ થયેલા નેતા અને બંન્ને દેશોનાં અધિકારીઓની જવાબદારીએ આ કામ કરવાનું હતું. 

અધિકારીએ જણાવ્યું કે કંસલ્ટિવ મેકેનિઝમ દ્વારા બંન્ને વિસ્તારનાં પર્યટન, ધાર્મિક માન્યતાઓ, સંસ્કૃતિ અને વેપાર જેવા સામાજિક અને આર્થિક મુદ્દાઓ પર ધ્યાન આપવાનું હતું.જો કે ભારતે મુશર્રફનાં આ પ્રસ્તાવને ફગાવી દીધો હતો. કારણે કે તેનાંથી કાશ્મીર પર ભારતની સંપ્રભુતા જોખમાઇ શકે તેમ હતી. 

જો કે તેમ છતા મનમોહન અને મુશર્રફ કાશ્મીર વિવાદ ઉકેલવા માટે વાતચીત ચલાવી રહ્યા હતા. મનમોહનનાં ભરોસાપાત્ર ડિપ્લોમેટ સતિંદર લાંબા અને મુશર્રફે રિયાઝ મોહમ્મદ ખાન અને તારિક અજીજની વચ્ચે કાઠમંડુ અને દુબઇમાં લગભગ 30 દિવસ સુધી 200 કલાકની મીટિંગ થઇ હતી.જ્યારે વાતચીત નિર્ણાયક મોડ પર પહોંચી ત્યારે લાંબાને વગર પાસપોર્ટ અને વીઝાએ ભારતીય ગુપ્તચર એજન્સી રો નાં જેટ દ્વારા પાકિસ્તાનનાં રાવલપિંડી મોકલવામાં આવ્યા. જેથી કોઇ પણ વ્યક્તિને આની જાણ ન થઇ શકે. 

ભારતીય અધિકારીએ જણાવ્યું કે મનમોહન આ મુદ્દાનો ઉકેલ લાવવા માંગતા હતા. મનમોહન ઇચ્છતા હતા કે સમજુતી દ્વારા કાશ્મીર મુદ્દાનો ઉકેલ આવે. જેથી બંન્ન દેશો પોતાનાં અન્ય મુદ્દાઓ પર ધ્યાન આપે. કાશ્મીર મુદ્દા પર ખોટી ઉર્જાનો વ્યય ન થાય. બંન્ને દેશ વચ્ચે જે કાંઇ પણ વાત થતી તેનાં દસ્તાવેજ મનમોહન સિંહ પોતે જોતા હતા. આ વાતચીત  અંગે સિંહ ઉપરાંત કેબિનેટમાં માત્ર 2 વ્યક્તિને જ આ અંગે ખ્યાલ હતો. 

મનમોહનને જ્યારે એવું લાગ્યું કે આ વાત કેબિનેટ અને વિપક્ષને જણાવવી જોઇએ. ત્યારે પાકિસ્તાનમાં પરિસ્થિતી બદલી અને 2007માં મુશર્રફને હટાવી દેવાયા. ત્યાર બાદ 2008માં આસીફ અલી જરદારી આવ્યા અને તેમણે આ મુદ્દાને આગળ વધારવાનો પ્રયાસ કર્યો. પરંતુ લશ્કરી પ્રમુખ કયાનીએ આ વાતને આગળ વધવા દીધી નહોતી. 

admin

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

16 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

17 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

17 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

18 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

18 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

19 hours ago