Categories: Gujarat

માત્ર બે દિવસના વરસાદે ખોલી AMCની પોલ, શહેરમાં અનેક રસ્તાઓ ધોવાયા 

અમદાવાદઃ મ્યુનિસિપલ કોર્પોરેશન દ્વારા હલકી ગુણવત્તાના રોડ રિસરફેસિંગના કામ થતા હોઇ આ વખતે પણ શહેરના રસ્તાઓ ધોવાઇને ઠેર ઠેર કપચી ઉખડી રહી છે. રસ્તા ભયજનક બન્યા છે અને આના કારણે ફરીથી મ્યુનિ. તિજોરીને કરોડો રૂપિયાનું નુકસાન થયું છે.

દાણીલીમડા રોડ, હેલ્મેટ સર્કલ, માનસી સર્કલ, મીઠાખળી અન્ડરબ્રિજ, પ્રેરણાતીર્થ દેરાસર રોડ, યુનિ. રોડ વગેરે રોડની હાલત બિસ્માર થઇ છે. કોર્પોરેશને તાજેતરમાં શહેરમાં રોડ રિસરફેસિંગના કરોડો રૂપિયાનાં કામ હાથ ધર્યા હતા. જેના પર છેલ્લા બે દિવસના ધીમી ધારના વરસાદે પાણી ફેરવી દીધું છે.

મ્યુનિ. કોંગ્રેસના નેતા બદરુદ્દીન શેખે ધોવાયેલા રસ્તાઓના મામલે વિજિલન્સ તપાસ કરાવવાની માગ કરી છે. શેખ કહે છે કે દર વર્ષે ઓછામાં ઓછા રપ૦ કરોડના રસ્તા ધોવાઇ જાય છે. એસ્સાર પાસેથી હલકી ગુણવત્તાનું બીટયુમીન ખરીદાતું હોઇ રસ્તા ડિસ્કો રોડ બને છે. દેડકી ગાર્ડનથી ફૂટબોલ ગ્રાઉન્ડ કહો કે કોર્પોરેટ રોડ કહો બધે રોડ તંત્રના ભ્રષ્ટાચારના કારણે ખરાબ હાલતમાં મુકાયા છે. સ્ટ્રોમ વોટર ડ્રેનેજ લાઇન નખાઇ હોય તે વિસ્તારોના રસ્તા બેસી ગયા હોઇ આ બાબત પણ વિજિલન્સ તપાસનો વિષય બને છે. 

દરમિયાન સ્ટેન્ડિંગ કમિટીના ચેરમેન પ્રવીણ પટેલ કહે છે કે આ વર્ષે કોઇ રસ્તા ધોવાયા નથી. રસ્તા ધોવાયા હશે તો કોન્ટ્રેકટરોના ખર્ચે રિસરફેસ કરાશે.

admin

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

44 mins ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

50 mins ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

56 mins ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

1 hour ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

1 hour ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

1 hour ago