Categories: India

તમિળ અભિનેતા વિજયના આવાસ પર આઈટી દરોડા

ચેન્નાઈ: કરચોરીના સંબંધમાં આવકવેરા વિભાગના અધિકારીઓએ સવારે તમિળ ફિલ્મ પુલીના નિર્માતા અને નિર્દેશકો તેમજ તમિળ અભિનેતા વિજયના આવાસ પર વ્યાપક દરોડા પાડયા હતા. દરોડાના કારણે ભારે ખળભળાટ મચી ગયો હતો. સૂત્રોએ માહિતી આપતા કહ્યું છે કે આઇટીના અધિકારીઓએ આ ફિલ્મના કલાકારો અને અને ક્રુ મેમ્બરો સાથે જોડાયેલા ૨૫થી વધુ સ્થળ પર એક સાથે દરોડાની કાર્યવાહી હાથ ધરી હતી. આ ફિલ્મ નિર્ધારિત કાર્યક્રમ મુજબ ગુરુવારના દિવસે રજૂ કરવામાં આવનાર છે. ફિલ્મના નિર્દેશક તરીકે ચિમ્બુ દેવન છે. જયારે નિર્માતા તરીકે શિબુ થામીનન્સ છે. દરમિયાન દક્ષિણ ભારતના અભિનેતા નયનથારાના આવાસ પર પણ દરોડાની કાર્યવાહી હાથ ધરવામાં આવી હતી. કોચીમાં આવકવેરા વિભાગના અધિકારીઓએ વ્યાપક તપાસ કરી હતી. કોચીમાં ચેન્નાઈથી આઇટી ટીમ નયનથારાના આવાસ પર દરોડા પાડી રહી છે. તેમના ફ્લેટ પર વ્યાપક દરોડા પાડવામાં આવ્યા હતા. દરોડાની કાર્યવાહી સવારે આઠ વાગે શરૂ કરવામાં આવી હતી. ચેન્નાઈની એક ટીમના નેતૃત્વમાં આ દરોડા પાડવામાં આવી રહ્યા છે. અધિકારીઓના કહેવા મુજબ આવી જ કાર્યવાહી ચેન્નાઈ અને હૈદરાબાદમાં પણ કરવામાં આવી રહી છે. આઇટીની કાર્યવાહી શરૂ થયા બાદ તેમના ચાહકોમાં સનસનાટી મચી ગઇ હતી. જુદા જુદા ભાગોમાં આ ચર્ચા જોવા મળી હતી. આઇટીના અધિકારીઓ દ્વારા દસ્તાવેજોમાં ઊંડી તપાસ કરવામાં આવી હતી. કેટલીક નવી વિગત સપાટી પર આવી શકે છે.
 
admin

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

2 days ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

2 days ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

2 days ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

2 days ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

2 days ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

2 days ago