ગુજરાતમાં બીજા દિવસે વરસાદ જારી : આહવામાં ૧૦ ઇંચ પડ્યો      

અમદાવાદ : ગુજરાતમાં સતત બીજા દિવસે વિવિધ ભાગોમાં વરસાદ થયો હતો. સાપુતારામાં કલાકોના ગાળામાં જસાત ઇંચથી વધુ વરસાદ નોંધાઈ ગયો હતો. જ્યારે વલસાડમાં કલાકોના ગાળામાં ચાર ઇંચથી વધુ વરસાદ પડતા નિચાણવાળા વિસ્તારોમાં પાણી ભરાઈ ગયા હતા.   ગુજરાતના એકમાત્ર હિલ્સ સ્ટેશન ગણાતા આહુવા અને સાપુતારામાં સાત ઇંચથી વધારે વરસાદ થયો હોવાના અહેવાલ મળ્યા છે. હજુ ગુજરાતના તમામ ભાગોમાં વરસાદ જારી રહી શકે છે. વિદર્ભ પર ડિપ ડિપ્રેશન અને દક્ષિણ છત્તીસગઢના આસપાસના વિસ્તારોમાં ડિપ્રેશનની સ્થિતિના પરિણામ સ્વરૃપે ગુજરાતમાં ભારે વરસાદની ચેતવણી યથાવત રહી છે.

ગુજરાતના વિવિધ ભાગોમાં ભારે વરસાદ થયો હતો. સૌરાષ્ટ્ર સિવાય મધ્ય ગુજરાત, દક્ષિણ ગુજરાત, ઉત્તર ગુજરાતમાં ભારે વરસાદ થયો હતો. ગુજરાતના વિવિધ ભાગોમાં એકથી લઈને ૪ ઈંચ સુધીનો વરસાદ પડી ગયો હતો. મધ્ય ગુજરાતની વાત કરવામાં આવે તો સાંવલીમાં પોણા ઈંચ, પારડીમાં બે ઈંચ, ખંભાતમાં એક ઈંચ જેટલો વરસાદ પડ્યો હતા. લાંબો સમય સુધી રાહ જોવડાવ્યા બાદ આખરે વરસાદનો વધુ એક રાઉન્ડ ગઈકાલ મોડીરાતથી શરૃ થયો છે. ચોમાસાની સીઝન પુરી થવાના છે તેવી આગાહી હવામાન ખાતાએ એકાદ પખવાડિયા પહેલાં કર્યા બાદ તે ખોટી સાબિત થઈ છે અને વરસાદનો ગઈકાલ રાતથી શરૃ થયેલો રાઉન્ડ ગુજરાતભરમાં છવાઈ ગયો છે અને રાયના ૧૯૭ તાલુકાઓમાં સામાન્યથી માંડી ૧૦ ઈંચ સુધી વરસાદ નોંધાયો છે. સૌથી વધુ વરસાદ ડાંગ જીલ્લાના આહવા ખાતે ૧૦ ઈંચ થયો છે. બંગાળની ખાડીમાં સર્જાયેલ ડિપડિપ્રેશનના કારણે શરૃ થયેલા આ વરસાદમાં મેધરાજાએ દક્ષિણ ગુજરાતના ડાંગ, વલસાડ અને નવસારી જિલ્લામાં સટાસટી બોલાવી છે.

 

ડાંગ જિલ્લાના આહવા ખાતે ૨૬૫,સુબીરમાં ૧૭૬ અને વધઈમાં ૨૩૫ મી.મી. વરસાદ છેલ્લા ૨૪ કલાક દરમિયાન નોંધાયો છે. આ ઉપરાંત નવસારી જીલ્લામાં ચીખલી ખાતે ૧૫૭, ગણદેવીમાં ૧૧૩, જલાલપુરમાં ૧૫૭, ખેરગામમાં ૧૮૨, નવસારીમાં ૧૪૨, વાસદામાં ૧૩૫ મી.મી. વરસાદ નોંધાયો છે. આ ઉપરાંત વલસાડ જિલ્લામાં ધરમપુરમાં ૧૬૨, કપરાડામાં ૧૮૯, પારડીમાં ૧૯૫, વલસાડમાં ૨૨૪, વાપીમાં ૧૫૧મીમી વરસાદ થયો છે. ગુજરાતમાં અન્ય જિલ્લાઓની સ્થિતિ જોઈએ તો તાપી જિલ્લાના નિઝરમાં ૧૧૦, સોનગઢમાં ૧૨૪મીમી વરસાદ થયો છે. પાટણ બનાસકાંઠા, મહેસાણા, સાબરકાંઠા, અરવલ્લી અને ગાંધીનગર જિલ્લાના બનેલા ઉત્તર ગુજરાતના વિસ્તારોમાં વરસાદનું જોર પ્રમાણમાં ઓછું રહ્યું છે.

You might also like