Categories: Sports

ઓ ત્તારી..! પહેલી ઇનિંગ્સમાં માત્ર ૧૫ રનમાં ઓલઆઉટ, તોય મેચ જીતી લીધી

લંડનઃ ક્રિકેટ મેચમાં બેટિંગ કરનારી દરેક ટીમ ઇચ્છે છે કે તેને સારી શરૂઆત મળે. સારી શરૂઆતથી ટીમ મોટા સ્કોર તરફ જાય છે, જેનાથી વિપક્ષી ટીમ પર દબાણ લાવી શકાય અને મેચ પર તેમની પકડ બની રહે, પરંતુ ઘણી વાર આ યોજના ફ્લોપ જાય છે અને રણનીતિ અનુસાર ખેલાડીઓ રમી શકતા નથી. આવું બને ત્યારે ટીમ સંકટમાં મુકાઈ જાય છે. જોકે ક્યારેક ક્યારેક ખરાબ શરૂઆત બાદ મધ્યમ ક્રમ કે પૂંછડિયા બેટ્સમેનોના દમ પર ટીમ સંકટમાંથી બહાર આવી જાય છે અને હરીફ ટીમને ધૂળ ચટાડવામાં સફળ રહે છે. આવો જ એક અજીબોગરીબ મુકાબલો ખેલાયો હતો, જેમાં એક ટીમ ફક્ત ૧૫ રનમાં જ સમેટાઈ ગઈ હતી. આ ટીમ પહેલી ઇનિંગ્સમાં હરીફ ટીમ કરતાં ૨૦૮ રનના મોટા અંતરથી પાછળ રહી. ફોલોઓન રમવા મજબૂર થયેલી આ ટીમની બીજી ઇનિંગ્સમાં પણ શરૂઆત તો ખરાબ જ રહી અને છ વિકેટ ફક્ત ૧૭૭ રનમાં પડી ગઈ. જોકે અહીંથી ટીમે ઐતિહાસિક અંદાજમાં રમતા વાપસી કરી અને ૧૫૫ રનથી મોટી જીત હાંસલ કરી. આ દિલચસ્પ મુકાબલો રમાયો હતો આજથી ૯૩ વર્ષ પહેલાં ૧૪થી ૧૬ જૂન, ૧૯૨૨ દરમિયાન ઈંગ્લેન્ડના બર્મિંગહામ શહેરમાં. કાઉન્ટી ક્રિકેટના એક મુકાબલામાં વોરવિકશાયરે પહેલી બેટિંગ કરતા ૨૨૩ રન બનાવ્યા. ત્યાર બાદ રમવા ઊતરેલી હેમ્પરશાયરની ટીમની શરૂઆત જ બહુ ખરાબ રહી. પહેલી ઓવર તો આસાનીથી પૂરી થઈ, પરંતુ બીજી ઓવરના ત્રીજા બોલથી વિકેટ પડવાનો જે સિલસિલો શરૂ થયો એ ટીમ ઓલઆઉટ થઈ ત્યારે જ અટક્યો. એટલે કે ૮.૫ ઓવરમાં આખી ટીમ પેવેલિયનમાં પાછી ફરી. ટીમ ફક્ત ૧૫ રન જ બનાવી શકી. તેમની ચાર વિકેટ ફક્ત ૧૦ રનમાં જ પડી ગઈ. ત્રણ જ બેટ્સમેન પોતાનું ખાતું ખોલાવવામાં સફળ રહ્યા, જેમાં ફિલ મીડે સૌથી વધુ છ રન બનાવ્યા.વોરવિકશાયરના ફક્ત બે બોલરે આખી ટીમનો વાવટો સમેટી નાખ્યો. હેરી હોવેલે છ અને ફ્રેડી કોલથોર્પેએ ચાર વિકેટ ઝડપી. પહેલી ઇનિંગ્સના આધારે વોરવિકશાયરને ૨૦૮ રનની સરસાઈ મળી અને તેણે હેમ્પરશાયરને ફોલોઓન રમવા મજબૂર કરી, પરંતુ ફોલોઓન બાદ હેમ્પરશાયરની સ્થિતિમાં કોઈ જ સુધારો થયો નહીં અને બીજી ઇનિંગ્સમાં પણ તેમની છ વિકેટ ૧૭૭ રનમાં જ પડી ગઈ. ટીમ પર ઇનિંગ્સની હાર તોળાઈ રહી હતી, પરંતુ મધ્યમ ક્રમના બેટ્સમેન જ્યોર્જ બ્રાઉને નવમા અને ૧૦મા નંબરના બેટ્સમેનો સાથે મોટી ભાગીદારી કરી ટીમને સંકટમાંથી બહાર કાઢી લીધી. બ્રાઉને નવમી વિકેટ માટે વિકેટકીપર બેટ્સમેન વોલ્ટર લિવસે સાથે ૧૭૭ રનની ભાગીદારી નોંધાવીને ટીમના સ્કોરને ૪૫૦ સુધી પહોંચાડી દીધો. ત્યાર બાદ ૧૦મી વિકેટ માટે પણ ૭૦ રનની ભાગીદારી નોંધાઈ, જેના કારણે ટીમનો સ્કોર ૫૨૧ રન સુધી પહોંચી શક્યો. બ્રાઉને ૧૭૨ રન બનાવ્યા, જ્યારે વિકેટકીપર બેટ્સમેન લિવસે ૧૧૦ રન બનાવી અણનમ રહમયો. આમ હેમ્પરશાયરે જીત માટે વોરવિકશાયર સામે ૩૧૪ રનનું લક્ષ્ય મૂક્યું, પરંતુ વોરવિકશાયરની ટીમ ૧૫૮ રનમાં જ ઓલઆઉટ થઈ જતાં હેમ્પશાયરે એ મેચ ૧૫૫ રનથી જીતી લીધી.આ એક ઐતિહાસિક મેચ હતી. આજથી ૯૩ વર્ષ પહેલાં તા. ૧૪ જૂનથી ૧૬ જૂન, ૧૯૨૨ દરમિયાન રમાયેલી એ મેચમાં હેમ્પરશાયરના પૂંછડિયા બેટ્સમેનોએ ગજબનાક સાહસ દેખાડીને ખુદનાં નામ ઇતિહાસનાં પાનાં પર નોંધાવી દીધાં હતાં.

admin

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

4 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

4 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

4 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

5 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

6 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

6 hours ago