Categories: Entertainment

'ઓલ ઇઝ વેલ' અપાવી શકે છે અસિનની રોકાયેલી કરિયરને દિશા     

બોલિવૂડમાં ‘ગજની’ ફિલ્મથી ધમાકેદાર એન્ટ્રી કરવા છતાં સાઉથની સુપરસ્ટાર અભિનેત્રી આસિન બોલિવૂડમાં સારી કરિયર બનાવવામાં નિષ્ફળ રહી છે. આ ફિલ્મે બોલિવૂડને વધુ એક સુંદર ચહેરાની ભેટ આપી. ‘ગજની’ ફિલ્મમાં આસિનને જોયા બાદ દર્શકોએ વિચારી લીધું હતું કે આ અભિનેત્રી બોલિવૂડમાં ડાર્ક હોર્સ પુરવાર થશે. લોકોને તેની સુંદરતા અને એક્ટિંગ બંને પસંદ પડ્યાં. પ્રોડ્યૂસરોને પણ આસિનમાં રસ પડ્યો હતો, પરંતુ બોલિવૂડમાં આસિનની કરિયર રોકાઇ ગઇ છે. બોલિવૂડમાં સફળતા મેળવવાના તેણે ઘણા પ્રયાસ કર્યા, પરંતુ હજુ તેને જેવી સફળતા મળવી જોઇએ તેવી મળી નથી. તેણે બોલિવૂડમાં હિટ ફિલ્મો પણ આપી જ છે, પરંતુ તે ટોપ અભિનેત્રીઓના લિસ્ટમાં સામેલ થઇ શકી નથી. ‘ગજની’ બાદ ‘લંડન ડ્રીમ્સ’, ‘રેડી’. ‘હાઉસફુલ-2’, ‘બોલ બચ્ચન’, ‘ખિલાડી 786’ જેવી ફિલ્મો પ્રદર્શિત થઇ. ‘લંડન ડ્રીમ્સ’ ખરાબ રીતે પિટાઇ ગઇ. બાકીની ફિલ્મો થોડી ઘણી ચાલી. 

‘ગજની’ની સફળતાનું શ્રેય આમિરખાનને તો ‘રેડી’ની સફળતાનો શ્રેય સલમાનખાનને ગયો. તેની કરિયરની આ બે મોટી ફિલ્મો હતી. આ ફિલ્મો છતાં તેની ગણતરી ટોપ સ્ટારમાં ન થઇ, જોકે એવું પણ કહેવાય છે કે આ બધા માટે આસિન ખુદ જવાબદાર છે. તેનામાં ન તો ટોપ પર પહોંચવાની મહત્વાકાંક્ષા દેખાય છે, ન તો ઇન્ડસ્ટ્રીની સામાજિકતા નિભાવવાની ઇચ્છા. કોઇ ને કોઇ વિવાદમાં હંમેશાં તેનું નામ જોડાયા કરે છે. બોલિવૂડમાં તેની છાપ એક ઝઘડાળુ અભિનેત્રીની બની ગઇ છે. તેના કારણે નિર્માતા તેનાથી દૂર રહેવાનું પસંદ કરે છે. આસિન કહે છે એવું કંઇ નથી. કારણ વગર બોલિવૂડમાં તેની છાપ બગાડાઇ છે. મેં અત્યાર સુધી જેની પણ સાથે કામ કર્યું છે તેની સાથે મારા સંબંધો સારા રહ્યા છે. લાંબા સમય બાદ આસિનની ‘ઓલ ઇઝ વેલ’ ફિલ્મ રિલીઝ થઇ રહી છે. આ ફિલ્મમાં તે અભિષેક બચ્ચન સાથે જોવા મળશે. આ અગાઉ તેણે અભિષેક સાથે ‘બોલ બચ્ચન’માં કામ કર્યું છે. આ ફિલ્મમાં આસિન એક નવા લુકમાં જોવા મળશે. જો ‘ઓલ ઇઝ વેલ’ સફળ થશે તો તેનું શ્રેય ચોક્કસપણે આસિનને જશે અને બોલિવૂડમાં તેના માટે સફળતાના દરવાજા ખૂલી જશે.  

 

admin

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

17 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

17 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

19 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

19 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

19 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

20 hours ago