આસામમાં બ્રહ્મપુત્રા નદીમાં પાણીની સપાટી ભયજનક સ્તરે

ગુવાહાટી: આસામમાં પૂરની સ્થિતી ભારે વરસાદના કારણે વધુ વણસી ગઇ હતી. બચાવ અને રાહત કામગીરી યુદ્ધના ધોરણે ચાલી રહી છે. બીજી બાજુ બહ્મપુત્રા નદીમાં પાણીની સપાટી ચિંતાજનકરીતે સતત વધી રહી છે. રાજ્યના ૧૩ જિલ્લા પૂરના સકંજામાં આવી ગયા છે. આશરે ત્રણ લાખ લોકો મુશ્કેલીમાં છે. સ્થિતિમાં ભારે વરસાદના કારણે સુધાર થાય તેવા કોઇ સંકેત દેખાતા નથી. આસામમાં પૂરની સ્થિતિ ફરી એકવાર ગંભીર બની ગઇ છે. છેલ્લા થોડાક દિવસથી પડી રહેલા ભારે વરસાદના કારણે આ સ્થિતિ સર્જાઇ છે. પ્રાપ્ત અહેવાલ મુજબ રાજ્યમાં હજારો ગામોમાં રહેતા લોકો મુશ્કેલીમાં મુકાઇ ગયા છે.બચાવ અને રાહત કામગીરી યુદ્ધના ધોરણે ચાલી રહી છે. ધેમાજી, કોકરાઝાર, ચિરાંગ, લખીમપુર, બોંગાઇગામ, તીનસુકિયા અને ડિબરુગઢમાં જિલ્લામાં આવેલા હજારો ગામોમાં માઠી અસર થઇ છે. આસામ સ્ટેટ ડિઝાસ્ટર મેનેજમેન્ટ ઓથોરિટી દ્વારા કહેવામાં આવ્યુ છે કે પૂરની સ્થિતિમાં સુધાર હાલમાં આવે તેવા કોઇ સંકેત દેખાઇ રહ્યા નથી. એકલા બોંગાઇગામ જિલ્લામાં કુદરતી હોનારતના કારણે ૧.૩૨ લાખ લોકોને અસર થઇ છે. જ્યારે ધેમાજી જિલ્લામાં કુલ ૨૦,૦૦૦ લોકોને અસર થઇ છે. ૨૭૦૮૭.૧૩ હેક્ટર પાક ભૂમિ હાલમાં પાણી હેઠળ છે.કુલ ૬૧૧ ગામોમાં લાખો લોકોને અસર થઇ છે. કોકરાઝારમાં ૧૮૭ ગામો પાણી હેઠળ છે. ધેમાજીમાં ૧૩૭, બોંગોઇ ગામને પૂરની અસર થઇ છે.સંબંધિત જિલ્લા વહીવટીતંત્ર દ્વારા ૧૨૪ રાહત કેમ્પ શરૂ કરવામાં આવ્યા છે. આ રાહત કેમ્પોમાં રહેતા લોકોની સંખ્યા ૮૪૭૭૯ નોંધાઈ છે. માર્ગો, પુલને ભારે નુકસાન થઇ ચૂક્યું છે. આ વર્ષે આસામમાં પૂરના બેથી ત્રણ રાઉન્ડ થઇ ચુક્યા છે. હવે રોગચાળાની દહેશત પણ દેખાઈ રહી છે. પૂરના કારણે કોકરાઝારમાં અનેક માર્ગોને ભારે નુકસાન થયું છે. સૌથી વધારે નુકસાન કોકરાઝાર, ધેમાજી અને ચિંરાગ જિલ્લામાં થયુ છે. આ વર્ષે આસામમાં પૂરના કારણે મોતનો આંકડો પાંચ પર પહોંચી ગયો છે. જેમાં લખીમપુરમાં બેના મોત થયા છે. જ્યારે બોંગાઇગામ, બક્સા અને સોનિતપુરમાં એક એક વ્યક્તિનાં મોત થયા છે.

You might also like